.png)
Stavgangtur til Svinvika.
Stavganggruppa i Surnadal Pensjonistlag møttest i Svinvika den 23. mai for å markera Verdens aktivitetsdag. Denne dagen møtte også ordførar Mons Otnes, folkehelsekoordinator Annett Ranes og kulturleiar Lilli Husby. Mons Otnes hadde mange godord, og i tillegg blomster og pengar til Stavganggruppa.
Annett Ranes og Lilli Husby (bildet) peika på kor viktig det er med fysisk aktivitet, særleg i vår aldersgruppe.
Etterpå kunne alle fritt velja ruta for dagen, og dei fleste følgde turleiar Narve Talgø opp Gammelvegen mot Gjeldnes.
Vi avslutta dagen med kaffe og kake nede i Gjengsto.
Tekst og foto: Randi og Vidar Sogge.
Klikk på bilda nedafor og sjå dei større og som bildeserie, men les bildetekstene først!
64 stavgangarar møtte i Svinvika den 23. mai.
Martinus Torvik ønsker alle velkomne.
Ordførar Mons Otnes hadde mange rosande ord, og avslutta med å gje blomster og ei pengegåve til Stavganggruppa.
Folkehelsekoordinator Annett Ranes
Kulturleiar Lilli Husby les dikt av Hans Hyldbakk
På tur opp Gammelvegen
På tur opp Gammelvegen
Narve Talgø står ved ein av rodepålane han har laga, ein nøyaktig kopi av den rotne originalen som hadde stått her før. Gardane hadde vedlikehaldsplikt på vegen, og rodepålane markerte grensa for dette. Gardar langt unna, gjerne på andre sida av fjorden, var med og delte på dette arbeidet
Nærbilde av ein rodepåle med namnet på den som hadde vedlikehaldsplikta
Fin utsikt frå benken, som står tett nedfor Gammelvegen
Walter og Cristina Swensen frampå ein av utsiktsplassane tett ved Gammelvegen. Cristina hadde teke turen heilt frå Australia og vart med på turen langs Gammelvegen.
Etter turen smaka det godt med eit kakestykke eller brødskive og ein kopp kaffe/te
Kaffe etter turen
Kaffe etter turen. Foto: Gunnhild Mogstad
Narve Talgø fortel om Hallvard Svinvik, mannen som saman med kona Ane, bygde opp arboretet i Svinvika
Til slutt vart det tid til ein runde for å sjå på ein del av dei vakre og sjeldne plantene, særleg rododendron, som vi finn i Svinvika
Ein del av rododendronplantene var snart ferdigblomstra, men dei fleste var på tur ut i full blomstring, og blir nok på topp til helga
Det er triveleg å gå etter dei fine grusstiane i arboretet
