Vinterleikar

Opprettet: 20. mars 2019

Dei tre første dagane denne veka går «Vinterleikane i Surnadal» av stabelen, og tirsdag var rundt 65 deltakarar med følgje på skisentret på Nordmarka der det var langrenn, aking, skuterkjøring og kjøring med hundespann.

Deltakarane var frå Trondheim, Klæbu, Orkdal, Oppdal, Smøla, Aure, Surnadal, Melhus, Meldal, Tingvoll og Rindal.

Veret var 100 % på sida til arrangøren, og alle kosa seg – og konkurrerte, var heiagjeng, stod i kø, eller berre satt og kosa seg ved borda på den store uterestauranten.

Speaker Kjell Gunnar Polden har eit godt tak om Sigrid Sæterøy, som hadde eit stort ansvar for den vellukka gjennomføringa av vinterleikane

Kjell Gunnar Polden heldt publikum og deltakarar orientert om både start og innkomst under langrennet, som du kan sjå mange bilde av nedafor!

Surnadal formannskap tok også turen opp til Nordmarka idrettssenter for å sjå på arrangementet. Speaker Kjell Gunnar Polden nytta høvet til å takke særleg «gammelpresten» Bernt Venås for det gode veret dei hadde fått.

Historia og tanken bak ”Vinterleikane i Surnadal” går tilbake til 1994 og OL på Lillehammer. Da arrangerte Nordmøre Folkehøgskule vinterleikane for første gong.

Det vart ein suksess, og alle som kunne ha nytte og glede av eit slik arrangement var invitert til Surnadal desse dagane igjen.

Vinterleikane set fokus på likestilling mellom funksjonshemma og funksjonsfriske.

- Vi skal saman oppleve at vi er gode. Dagane skal skape glede,gje oppleving av meistring og knyte vennskap, heitte det i invitasjonen som var sendt ut.

Det er program både ute og inne i dei tre dagane leikane varer, og om kveldane er det god mat, underhaldning og dans, og sjølvsagt premieutdeling!

«Vinterleikane i Surnadal» er arrangert av Nordmøre Folkehøgskule, Surnadal Røde Kors, Surnadal Idrettslag, med støtte fra Surnadal Kommune, Surnadal Sparebank og Surnadal Gjensidige.

Første startande i langrennet var Amalie Strømsvåg frå Surnadal.

Løparane står i startkø

Frode Gjertsen, Klæbu, blir heia fram av publikum, som gav god lyd frå seg.

Jon Børseth Helgetun rasar inn mot mål!

Trollheimen Husky frå Nerskogen, med Karl Magnus Holberg (over) og Beate Berg i spissen stilte med hundespann. Det var lang kø for å få oppleve ein tur med huskyane, som var ivrige på å utføre oppdraga.