Header

Rindal IL fotball:

Vinter-cupen er sparka igong

Opprettet: 3. mars 2019
Opprettet av: Karstein Mauset

I ein eim av nystekte bakels og kaffe, vart Rindal IL`s vinter-cup i fotball sparka igong laurdag formiddag i Rindalshallen. Det er fem lag som skal kjempa om finaleplass, og heimelaget, Rindal IL, opna mot Sokna og køyrde fullstendig over motstandaren!

Heimelaget blei altså nokre nummer for stor for gjestane frå Sokna, som fekk unngjelda med 5 - 0 tap. Martin Bolme Fjerstad presterte kunststykkje å setja hat-trick på under ti minutter i opninga av kampen, og det blei aldri spennande, ettersom heimelaget putta på to nettkjenningar til ved Wilyam Meskum og Jøran Heggem.

Laga som deltek er: Rindal IL, Kolstad (to lag), Oppdal og Sokna, så det er god spredning reint geografisk. Kanskje litt dumt at ikkje Surnadal og Meldal deltek, då dei er "naborivalane" til Rindal, og kunne gjeve publikum fartsfylte bataljer.

Kampane har ei speletid på 18 minutter,uten pause, og finalane byrjar klokka 1400. Så ein tur til Rindalhallen er å anbefala, både for fotballinteresserte og dei som har gått litt lei av ei veke med ski-VM. Gratis inngang og sal av vaflar og kaffe burde klara å dra fleire opp av godstolen!

Rindal IL stiller med følgjande mannskap: Stian Grytbakk, Jøran Heggem, Jørgen Gjerstad, Harald F. Røen, Sander L. Kattem, Martin Bome Fjerstad, Edvard Bolme Fjerstad, Ole Heggem, Håkon S. Mikkelsen og Wilyam Meskum. Lagledere er Jo Bjørnar Fiske og Morten Møller

Trollheimsporten oppdaterar resultat fortløpande.

Kampoppsett er som følgjer:

kl 10:00     Rindal IL - Sokna       5 - 0 (Mål heimelag: Martin Bolme Fjerstad 3, Jøran Heggem og Wilyam Meskum)

kl 10:20     Kolstad 2 - Oppdal     3 - 3

kl 10:40     Rindal IL - Kolstad      2 - 3 (Mål heimelag: Wilyam Meskum og Sander L. Kattem)

kl 11:00     Sokna  - Oppdal          1 - 2

kl 11:20     Kolstad - Kolstad2       4 - 2

kl 12:00     Oppdal - Rindal           2 - 3 (Mål heimelag: Edvard B. Fjerstad og Jørgen Gjerstad 2)

kl 12:20     Sokna  - Kolstad 2       2 - 3

kl 12:40     Kolstad - Oppdal          4 - 4

kl 13:00     Kolstad 2 - Rindal         1 - 2

kl 13:20     Sokna - Kolstad            1 - 0

kl 14:00    Bronsefinale

Oppdal - Kolstad 2      4 - 3

kl 14:20   Finale

Rindal - Kolstad          3 - 2

 

Strupstad.JPG
Håkon S. Mikkelsen og målmann Stian Grytbakk

kolstad-oppdal.JPG
Frå oppgjeret mellom Kolstad 2 og Oppdal

mål oppdal.JPG
Oppdal har akkurat fått nettsus!