02 Hjemmelaget TXT

Syng med oss!

Vårsongfest i Bøfjorden

Opprettet: 26. april 2012
Opprettet av: Ole Trygve Foseide
Like vår-visst som at songfuglane kjem, er vårsongfesten “Syng med oss” på Bøfjorden Grendahus 1. mai. Allsong, kor, solo, musikk, verbalinnslag og kaffekos står på programmet også i år.

 
 

Todalskoret og Åsskard Kyrkjekor samarbeider ikkje berre om kyrkjetonar – denne gong blir det både Bellman, Beatles, Erik Bye og gjenhør med gamle “Ønskekonserten”.


 

Songstudent Sigrid Vetleseter Bøe stikk heimom og syng eit par av sine perler.


 

Nokre verbalinnslag med humor og alvor kan det også bli.


 

Og frå kjøkenet duftar det kaffe. Sosialt samver kring bordet er viktig trivselselement.


 

Men enda viktigare er allsongen – at alle får høve til å synge med. Songgleda er stor blant folk - det har vist seg ved fulle hus på denne vårsongfesten tidlegare. Også i år ventar ein storinnrykk av folk som vil stemme i saman med Hjemmelaget, kora - og vårfuglane!


 

Programmet tek til kl. 16:00 Arrangør er Åsskard Kyrkjekor.


 

(Og skulle nokon ha behov for skyss, er det berre å ringe. Så blir det ei råd!)

Sjå plakaten her!