TAKK for rakrygga haldning

Stor takk til Surnadal formannskap, Eivind Hasle, Bjørn Tore Brøske og andre som så rakrygga tek avstand frå Dordi Skuggevik Tande sine rystande tankar (innlegg i Driva og Tidens Krav) etter dei gruvekkjande handlingane i Oslo og på Utøya. Måten same skribent “fnyser av kritikken” på og uttrykkjer at ho er “drittlei av roser, kjærlighet og varme” (Tidens Krav 28.07) understrekar til overmål kor nødvendig det er at vi andre står saman for dei gode verdiane som skal skape det framtidige Norge. Så er det da også viktig at ingen politiske parti – uansett farge – fell for freistinga til å utnytte den ufattelege tragedien 22. juli til å hauste eigen gevinst.

Bernt G. Bøe