Syng-med-oss i Todalen 24. april

- Song er både triveleg og sunt, seier arrangørane og støttar seg på både erfaringar og vitenskapelege undersøkelsar som beviser dette.

Allsongen denne kvelden består av nytt og gammalt, kjent og kjært – både viser og slagerar. Også koret har slagerstoff på programmet, mellom anna frå CD’en «Melodiminne», som dei har gjeve ut.

Dessutan framfører dei friske utdrag frå den lokale fjordakabareten «Med segl og Wichmann».

Tonefølgje til songane gir Peder Hønsvik på trekkspel – og kanskje serverer han småhistorier, litt tango og solomusikk også.

I kaffepausen er det utlodning.

Koret «Prosjekt 17» er vertskap og hovudaktør på songkvelden. Frå venstre Nora Bøe, Øystein Moe, Borghild Talgø, Liv Marit Polden, Einar Husby, Ann-Magret Botten, Inger Garthe, Kari Sæther, John Moe, Kirsten Baadnæs Bøe, Per Arne Hyldbakk og Randi Vetleseter Bøe.

Peder Hønsvik sørgjer for trekkspelstemning.

Einar Husby og Liv Marit Polden som representantar for sjømenn og kjerringar i kabareten «Med segl og Wichmann».

Tekst og foto: Bernt G. Bøe.
 

Annonse:

Koret Prosjekt 17 er medlem av Trollheimsporten.