.png)
Stor interesse for Nordmøre Folkehøgskule
Nordmøre Folkehøgskule i Surnadal har godt med søkjarar til oppstarten i haust. – Vi har teke opp 75 elever så langt, men har kapasitet til å ta opp 84, seier rektor Kristian Lund Silseth til tk.no.
- Teoretisk er det med andre ord ni ledige plassar, men dette er avhengig av linjeval, seier Lund Silseth.
Nytt av året i Surnadal er linja Lyd og studio. Denne linja er allereie full. Tidlegare kunne du finne folkehøgskuleelevar ned til 16 år. No er aldersgrensa satt til 18 år, men i praksis er dei aller fleste fylt 19 og er ferdige med vidaregående.
Det synest inspektør Einar Hals ved Høgtun Folkehøgskule i Gjemnes er kjekt. Han kan vise til fulle linjer med lange ventelister. Med unntak av ei. På sykkellinja, som eigentleg heiter Puls, er det framleis sju ledige plassar, men det er også den einaste. På andre linjer på Gjemnes folkehøgskule er det ventelister.
