.png)
Songkveld i Åsskard
Kom og syng nye salmar! Og hør perler frå kyrkjemusikk og opera! Åsskard Kyrkjekor og Sigrid Vetleseter Bøe inviterer til songstund i kyrkja si søndag ettermiddag.
Den nye salmeboka blir no innført i dei aller fleste kyrkjelydar. Nytt og gammelt stoff frå denne er basis for allsongen og mykje av korprogrammet i Åsskard.
– Vi vil at folk skal bli kjent med denne skattkista av ei songbok – der det også er vakre tonar og tekster frå Nordmøre, seier organist Bernt G. Bøe, som er kveldens akkompagnatør.
– Utvalget spenner frå søramerikansk tango til «Julverset» frå Stangvik.
Sigrid Vetleseter Bøe syng operaperler av Verdi og Handel. Koret er innom Bach og Schubert før dei avsluttar programmet med Haydns spenstige «Missa Brevis» i F-dur, der søstrene Nora og Sigrid Bøe er solistar.
Gunnhild Skjerdal har vald «Min salme» og fortel om den.
Og i Kyrkjestua er det ettermiddagskaffe, lovar Åsskard Kyrkjekor
Frå venstre Nora Bøe, Kari Sæther, Kirsten B. Bøe, Inger Garthe og Randi V. Bøe.
Sigrid Vetleseter Bøe er solist i Julverset, Haydn-messe og operaarier.
Sigrid Vetleseter Bøe
Ny «Norsk Salmebok» - ei rikhaldig samling av nytt, vakkert og velkjent songstoff.
Plakaten ...
