Såkorn

Øvre Rindal kapell 05.02.12.

Åja??! Er det slik det er med Guds rike?? Er det så enkelt??

Så enkelt er det. Høyr berre kva Jesus seier, sitert etter Markus 4:

Og han sa: «Med Guds rike er det slik: Det er som når en mann har sådd korn i jorden. Han sover og står opp, det blir natt og det blir dag, og kornet spirer og vokser, men han vet ikke hvordan det skjer. Av seg selv gir jorden grøde, først strå, så aks og til sist modent korn i akset. Så snart grøden er moden, svinger han sigden, for høsten er kommet.»

Han sa: «Hva skal vi sammenligne Guds rike med? Hvilken lignelse skal vi bruke? Det er som et sennepsfrø. Når det blir sådd, er det mindre enn noe annet frø på jorden, men når det er sådd, vokser det opp og blir større enn alle hagevekster og får så store greiner at himmelens fugler kan bygge rede i skyggen av det.»
Med mange slike lignelser talte han ordet til dem, så mye de var i stand til å høre. Uten lignelser talte han ikke til dem. Men når han var alene med disiplene, forklarte han alt for dem.

Slik lyer Guds ord.

Det er så enkelt med Guds rike. Det er like enkelt som frø i jorda, er det.

Eg har ikkje så mykje greie på kvifor det skjer. I likheit med andre bøndar, veit eg berre at det er ein samanheng mellom frø og jord, passe mykje væte, passe myjke gjødsel, passe temperatur – og så blir det.

Kva det blir? Jesus talar til oss om korn som veks til det blir moge og klart for å haustast. Og han talar til oss om sennepsfrøet. Verdens minste frø er det. Men med potensiale i seg til å bli større enn alle andre tre og vera fin heimplass for fuglane.

Slik er Guds rike, seier Jesus.

Me skal stanse ved tre punkt:

1.  Kvar jorda er hen.

Den skulle vel ikkje vera inne i oss? Nei ikkje slik bokstaveleg talt. Det skulle vore noko til søl om folk skulle gå rundt med jord i kroppen i tillegg til tarmar og magesekk, lunger og lever.

Men eg vil tru at når de er så gamle at de går i femte klasse, så veit de òg at det er meir mellom himmel og jord enn me ser – og det er meir inni oss enn indre organ.

Forstår de kva eg talar om når eg seier indre liv? Eller sjel? Eller tankar og følelsar? Langt på veg trur eg de forstår det.

Altså: Når Jesus talar om såmann og såkorn som blir sådd, så talar han om noko som blir sådd i det me måtte ha av indre liv og sjel, tankar og følelsar.

2.  Kven er så såmannen?

Er det han pappa når han er ute med såmaskina om våren? Ja, det kan så vera.                

Men veit de: I dag er det Elsa som er såmann. Og eg er såmann. Fordi me fortel om Jesus slik at de får nye tankar om liv og frelse som de ikkje har tenkt før.

Og så har me ein såmann til her i kapellet, og det er Ann Elin. Ho er politikar, og ho skal dele ut Bibel til alle i femte klasse på vegne av kommunen.

Så må me òg ha i mente at det hadde ikkje vore ein einaste såmann ut over vanlege bøndar om ikkje Gud hadde sådd fyrst. Han starta med å presentere seg både gjennom profetane i det Gamle Testamente og gjennom Jesus og dei andre karane i det Nye Testamente. Eller Åpenbare seg, som det vel heiter.

Prinsipielt sett får de alt de treng å vita om Gud og Jesus og Den Heilage Ande mellom dei to permane som er i Bibelen. Det er 1077 sider gamletestamente og 348 sider nytestamente. Og dermed er me over på tredje punkt:

3.  Kva er såkornet?

Såkornet, det er Guds ord. Alt som er sagt og tenkt om Gud og Jesus og Den Heilage Ande er for himmelsk såkorn å rekne.

Det er litt rart å tenkja på at enn så lenge har desse sidene med Bibel vore nok gudsord til å frelse millionar og milliardar av menneske.

Og så kjem me til siste punkt – og det er det eg skal seie noko om sjølv om det er over min forstand:

Med Guds rike er det som når ein såmann går ut og sår på åkeren. Av seg sjølv bèr jorda grøde.

Med Guds rike er det som når det minste frøet som finst i verda, blir sådd. Av seg sjølv veks det opp og blir til det største treet i verda.

Det skjer av seg sjølv! Brukar me Guds Ord, så gjer Gud noko med oss. Han gjev oss noko me treng for å leva – for vårt eige liv og for kvarandre.

Lukke til med Bibel-lesinga! Eg vil anbefale at de byrjar å lesa ca på side 1081, der det Nye Testamente og Jesus-stoffet byrjar. Startar de med fyrste Mosebok, er det lettare å køyre seg fast – i alle fall når de kjem til den tredje og fjerde Moseboka.

Kva seier eg vel ikkje, anna enn: Alt til si tid! Ta Jesus-stoffet fyrst, de.

Gud velsigne ordet sitt og Gud velsigne oss når me tek det til oss så me lærer og lever i Jesus. Amen.

Øvre Rindal kapell 05.02.12

Lesetekst: Rom.10,13-17.

Hver den som påkaller Herrens navn, skal bli frelst.

Men hvordan kan de påkalle en de ikke tror på? Hvordan kan de tro på en de ikke har hørt om? Og hvordan kan de høre uten at noen forkynner? Og hvordan kan de forkynne hvis de ikke er utsendt?

Det står jo skrevet: Hvor vakre de er, føttene til dem som bringer godt budskap! Men ikke alle var lydige mot evangeliet. Jesaja sier: Herre, hvem trodde vårt budskap?

Så kommer da troen av det budskapet en hører, og budskapet kommer av Kristi ord.

570 – Syng for Herren hele verden

942 – Måne og sol

562 – Guds namn vere lova for livsens ord

Kallet

549 – Guds ord det er vårt arvegods

Kunngjeringar:

Eldresenteret med nattverd 12.02. kl. 11.

Thomasmesse 26.02 kl.19.30, Rindal krk.

Kapellet 25.03 kl.11, 4-årsbok.

Kyrkjekaffi

Ofring til Bibelselskapet. Sjå Bibel.no Bibeldagen 2012.