Radiomesse med nordmørsk Mozart

Den vakre og uttrykksfulle Mozart-messa – med same utøvarar – var også brukt som høgmesse i Stangvik kyrkje i mars i år. Radiosendinga i NRK søndag er opptak frå Nordlandet kyrkje under KKKK-festivalen i Kristiansund nyleg. Forrettande prest er Lars Ove Skaret, Tor Strand sit ved orgelet og Peder Rensvik har den musikalske leiinga.

Etter klassisk mønster er “Kroningsmessa” tonesetting av sjølve gudstenesteliturgien og var i utgangspunktet framført slik. Dirigent Peder Rensvik har ønska å ta denne liturgiske tilknytinga på alvor. Med positiv respons frå NRK blir altå Mozarts mest populære messe - med solistar, kor og orkester frå Nordmøre – gjenskapt som reell gudsteneste for norske radiolyttarar søndag føremiddag. I tillegg til Mozarts messeledd kjem vanleg salmesong, tekslesing og preike.

 Sigrid Bøe (bilde under) har det største solo-partiet i messa