Påskekonsertar på Nordmøre

Opprettet: 7. april 2014

Påska er også tid for musikkoppleving! I årets stille veke kan nordmøringar nyte strengeklang og arier i Todalen og på Sunndalsøra skjærtorsdag og i Nordlandet og Tingvoll langfredag. Festivalkvartetten spelar med Sigrid Vetleseter Bøe som songsolist.

Påskekonsertar a1_690x218.jpg

Kvartetten består av fiolinistane Alex Robson og Åshild Breie Nyhus, bratsjisten Anders Rensvik og cellisten Joakim Munkner. KKKK-Festivalen i Kristiansund produserer konsertane.

Påskekonsertar a2 Festivalkvrt 2010_690x346.jpg

Festivakvartetten – her i Øye kyrkje i 2010. Frå venstre Alex Robson, Åshild Nyhus, Anders Rensvik og Hans Fr. Sjølin. Sistnemnte er i år erstatta av cellisten Joakim Munkner.

Musikkprogrammet er tilpassa Den Stille Veka. Samtidig varierer det klanglege uttrykket i ei gjennomtenkt blanding av kjent og uvant stoff. Vi hører gripande og vakre satsar frå Mozarts «Dissonans-kvartett», frå ein Beethoven-kvartett og frå Maurice Ravels mindre kjende «Kvartett i F-dur». Samtidskomponisten Arvo Pärt (Estland) let oss gjennom verket «Fratres» (Brør) høre at ny musikk også er vakker. Det gjeld i høgaste grad også konsertens finale – «Kvartettsats» av romantikaren Franz Schubert.

Påskekonsertar b3 Sigrid VB_690x767.jpg

Sopranen Sigrid Vetleseter Bøe syng påskesongar av Mozart, Vivaldi og Faure.

Sigrid Bøe syng Mozarts Golgata-motett «Ave verum corpus» (Ver helsa, sanne lekam) forutan satsar frå «Gloria» av Antonio Vivaldi og frå «Requiem» av Gabriel Fauré.

Påskekonsertar Mozart WA_690x922.jpg

W.A. Mozart (1756-1791) – med strykekvartett og pasjonsmotett.