eldrearbeidsprisen_1024x683

Ønskjer kandidatar til "Eldrearbeidsprisen"

Opprettet: 20. okt. 2011
Opprettet av: Norunn Holten
På den årlege eldremiddagen ved Nordmøre Folkehøgskule den 28.november vil Surnadal kommune for første gong dele ut “Eldrearbeidsprisen”, ein pris som skal tildelast lag, foreiningar eller enkeltpersonar som har utmerka seg positivt med ulønna eldrearbeid i kommunen.

Johs J Vaag og Lilli Husby ber publikum om forslag på kandidatar til "Eldrearbeidsprisen".

Surnadal kommune har hatt ein ungdomsarbeidspris sidan 1997, så eit einstemmig kommunestyre fann derfor også tida moden for ein årleg pris som heidrar personar, lag og foreiningar som er engasjerte i frivillig arbeid for eldre. Johannes J Vaag, representant for Eldrerådet i kommunen, og kulturleiar Lilli Husby, ønskjer no å få inn forslag på gode kandidatar til prisen. Forslag kan sendast i post eller e-post til Surnadal kommune, ved Eldrerådet. Sjå for øvrig annonsar i avisene på fredag. Frist for å koma med forslag er 31. oktober. Den 7. november skal Eldrerådet samlast for å fatte eit vedtak om kven som skal få prisen i år, og den 28. november, på pensjonistlagets årlege eldremiddag, skal prisen delast ut. Det er mange sterke kandidatar til denne prisen, så kven som til slutt trekkjer det lengste strået, vil vera eit spenningsmoment til siste slutt. Kommunen ønskjer gjennom denne nye prisen å synleggjera frivillig arbeid, og sjølve prisen vil vera eit kunstverk og ein kronesum på ein samla verdi av 5000 kroner.