.png)
Nok ein siger!
Laurdag var det Lånke som besøkte Rinnvollen, og heimelaget var ute etter å revansjera seg etter tapet mot gjestane i vårsesongen.
Det opna i eit høgt tempo og spelet bølga att og fram og det var bortelaget som skulle få den første sjansen da spissen deira skaut like over målet til Rindal. Dei hadde også nokre få tilløp til i det første kvarteret.
Rindal skulle få sin første sjanse etter ca. 25 min. spel, da Anders Løfald spelte gjennom Roy Bolme, men avslutninga gjekk dessverre utanfor stengene.
Etter dette vart det berre sporadiske forsøk frå begge lag utan at dei store sjansane blei skapt, mykje på grunn av godt forsvarsspel frå begge lag. Vil få trekkje fram forsvarsspelar, Sondre Aune, som tross sin unge alder, viste gode ferdigheiter. Taklingssterk og roleg med ball. Ikkje dårlig av ein 16-åring!
Stillinga til pause blei 0-0.
I andre omgang tok Rindal tak i kampen og tilreiv seg eit lite overtak og akkurat då sola braut gjennom det grå skylaget, klarte Roy Bolme å få god klem på kula på eit volley-skudd, og sjølv om Lånkekeeperen strekte seg så lang han var, var han sjanselaus på skotet! Fortjent leiing 1-0 til heimelaget!
Den notoriske målscoraren, Roy Bolme, blei også denne gongen tungen på vektskåla for Rindal
Like etterpå fekk heimelaget frispark frå ca. 20 meters hald, og Anders Løfald var nær ved å skru ballen i nota, men dessverre rett utanfor krysset! Godt skot!
Etter dette kom Lånke meir inn i kampen att, utan at det såg særlig farleg ut. Men etter 75 minuttars spel, fekk Lånke ein stor målsjanse då eit skot small i metallet over hovudet på keeper Anders Grytbakk, men mål vart det ikkje heldigvis!
Rindal ridde av stormen og kunne innkassera nok ein viktig 3-poengar!
Dei rundt 70 frammøtte fekk sjå ein 5.divisjonskamp med god underhaldning og kvalitet!
Vil også nevna at dommar Helge Sundstad gjorde ein utmerket jobb med å sjå til at alt gjekk føre seg etter boka.
Rindals lag: Anders Løfald, Sondre Aune,Steinar B. Heggset, Robert Jonli, Håkon Mikkelsen, Stian Bolme,Brage Storholt, Harald F. Røen, Anders Løfald, Jo Trønsdal Bævre og Roy Bolme.
Innbyttarar: Jostein Landsem,Henrik Folden, Daniel Eide og Vegard Karlstrøm.
Mål: Roy Bolme
Gult kort: Stian Bolme
