Menighetsrådet og frivillighet

Frå venstre: Birgitte Kattem, Monica Gulla, Marit Øyen Rønning (v), Sigrid Johanne Høston Bråten, Arnhild Foseide Fagerholt, Jon Solem (v), sokneprest Lene Gåsvatn og Leif Ove Grytbakk, ledar.

Soknerådsledar Leif Ove Grytbakk leda festkvelden og kalla først fram dei medlemmene av soknerådet som var til stades.

- Og du ga mæ et smil, Sommerfuggel i vinterland

Den smilande gjengen i Kor Gøttj opna med Sommerfuggel i Vinterland av Halfdan Sivertsen. Shallow fra A Star is Born var neste nummeret deira, intenst dynamisk!

Så fekk vi eit spenstig sprang til folketonen Bringebærslåtten, ein reinlender av Richard Hildre, før koret avslutta med Ola Bremnes sin kjente song Har du fyr, som Berit Møkkelgård introduserte med assosiasjonar til ordet fyr
- stødig person
- noko som lyser for deg og viser veg i livet

Vakkert!

Helge Gudmundsen, tidlegare radiomann, er godt kjent i Rindal frå mange arrangement. Han introduserte seg sjølv som Den første Høttrindaling, og det stemmer! Han var den første som vart introdusert som høttrindaling, og det skjedde her på Trollheimsporten.

Du er en verdifull frivillig var overskrifta på foredraget Gudmundsen delte med oss.
- Gir du litt av deg sjølv, får du mykje tilbake, sa han.

Han hadde klikka seg inn på nettsida frivillig.no, og der kunne han lese at 61 % av befolkninga i Norge deltek i frivillig arbeid. I den Norske Kirke er det omlag 100 000 frivillige.

Sjølv hadde Helge Gudmundsen 30-årsjubileum som frivillig i Flatås IL og 22 år som trenar for Flatåsen Lions, ein gjeng forskjellige ungdommar, og vi fekk høre mange episodar som han hadde i lag med dei.

Glede, Trivsel, Samhold, Fellesskap er mottoet til Flatås IL, og det tiltala Gudmundsen.

- Frivillige gir eit varmare samfunn med tryggheit og omsorg, sa han.

På spørsmål om engasjementet, var det mange i forsamlinga som ved handsopprekking bekjente at dei var aktive både i Røde Kors og Saniteten. At Rindal har mottoet «Tid til å leve» hadde han merka seg, og han hadde den logoen på fleire av bilda han viste.

Frivillige bryr seg om andre.

Les diktet som Gudmundsen framførte for oss og gav oss lov til å gjengi nedst i artikkelen.

Vi kjenner ordet respekt. Det kjem av det latinske ordet respectare som betyr å sjå ein gong til.

Menneskeverd var eit sentralt begrep for Gudmundsen.
- Du har ein ibuande verdi fordi du er eit menneske, du er verdifull!

Han mana oss til å sjå mennesket bak diagnosen og siterte Øyvind:
- Dæm sei e he Downs Syndrom, men e hette Øyvind.

Personen er viktigare enn prestasjonen. Når du er frivillig treng du ikkje vere best.

Helge Gudmundsen håpa at arbeidet i Rindal sokn aldri vil mangle frivillige.

Du kan lese om inspirasjonsopplegga til Helge Gudmundsen her!

Etter ein matpause med mektig kveldsmat presenterte kyrkjeverge Ingeborg Nordlund årsmeldinga for 2018. Den vil du finne på nettsidene til Rindal sokn etter helga.

Det var trekning på gratislodda vi fekk ved inngangen. Bordet i bakerste hjørne kunne glede seg rikeleg med blomster etter trekkinga. Det vart forresten enda ein blomster.

Nokre av dei tilsette i soknet: Sokneprest Lene Gåsvatn, kantor Johanne Bjørkhaug, kyrkjetenar Jan Brødreskift (med blomster han fekk for ekstra innsats!), kyrkjeverge Ingeborg Nordlund og trusopplærar Elsa Jensvold.

Elles finn du det Trollheimsporten skriv om kyrkjeleg arbeid i Rindal her ( Hovedside:Om Rindal:Kulturliv:Kirka - Rindal sokn:Kirkenytt )!
 

Om jeg virkelig brydde meg om deg

Om jeg virkelig brydde meg om deg
skulle jeg se deg i øynene når du snakker til meg
skulle jeg tenke på hva du sier, ikke på hva jeg skal si når du er ferdig
skulle jeg høre dine følelser bak dine ord

Om jeg virkelig brydde meg om deg
skulle jeg lytte uten å gå i forsvar
skulle jeg lytte uten å fastslå om du har rett eller tar feil
skulle jeg spørre deg hvorfor, og ikke bare hvordan, når og hvor

Om jeg virkelig brydde meg om deg
skulle jeg slippe deg inn bak mitt ytre

Om jeg virkelig brydde meg om deg
skulle jeg le med deg, men ikke av deg
skulle jeg snakke med deg, men ikke til deg
og jeg skulle vite når det er tid for å tie

Om jeg virkelig brydde meg om deg
skulle jeg ikke klatre over dine murer
skulle jeg vente til du slapp meg inn gjennom porten
skulle jeg ikke låse opp dine hemmeligheter
skulle jeg vente til du gav meg nøkkelen

Om jeg virkelig brydde meg om deg
skulle jeg elske deg uansett
men jeg skulle be om det beste du kan gi
og forsiktig lokke det fram

Ruth Senter