.png)
Kraftfull 10-åring
I dag, 2. oktober 2018, fyller Power Surnadal 10 år! Helge Røv, Lars Arne Gjeldnes og Otto Betten starta i 2008 Expert Surnadal, som i fjor skifta namn til Power Surnadal i lag med dei andre Expertbutikkane i Norden. På bildet ser vi Marthe Brauten, Eva Kristin Solli, Helge Røv, Hallgeir Slettestøl og Audun Moen Skei.
Eva Kristin Solli har vore tilsett i butikken heilt sidan starten i nabolokalet, som Mekk har i dag. I 2014 flytta dei inn i nytt lokale der dei er no.
Frå venstre: Eva Kristin Solli, Marthe Brauten og Kristian Ellevset
Til bursdag hører det marsipankake og ballongar. Meir uvanleg er det at gjestane kan få gave. Power Surnadal trekker ein iPad mellom alle som handlar noko i butikken i dag!
I 2015 gjekk Helge Røv ut og Audun Moen Skei inn som eigar. Han var butikksjef fram til siste fredag. No går han til nye utfordringar i Powersystemet.
- Det verkar som folk ønsker lokal handel og støttar butikken, seier Audun. - Vi er i ein knallhard bransje som er avhengig av sterkt reklametrykk. Netthandel er ein sterk konkurrent, men vi ønsker sjølvsagt at kundane skal komme til oss i butikken. Her har vi bransjekunnskapen.
Audun Moen Skei er svært godt fornøgd med den auken Power Surnadal har hatt dei siste åra. I 2015 var Power Surnadal beste Franchise- butikken i landet i Powerkjeda.
Power har ein prisrobot som skannar prisane i marknaden og legg seg rett under lågaste pris. Fleire har nok opplevd at prisen i kassa har vore lågare enn prislappen synte. Da er det prisroboten som har gjort jobben sin.
Power International har butikkar i Danmark, Finland og Norge. Hovudkontoret er i Norge. Power Surnadal har 6 tilsette. TV, telefonar og kvitevarer er største salgsobjekta i Surnadal. Power Surnadal leverer og monterer parabolantenner, og butikken satsar på god PC-support.
Kundane strømma til!
Power Surnadal er medlem av Trollheimsporten.
