Jubileum og fiskemiddag

Ei ny tidsrekning begynte i Bøfjorden 8. desember 1964, da brua over Bøsundet vart opna og knytte Bølandet til det norske vegnettet. Før den tid måtte all passasjertrafikk og varetransport gå sjøvegen.

Med bildekåseri, song og levande skildringar vil Dagens Tema kaste lys over kvardagslivet på det veglause Bølandet i tida før 1964. Mange i salen vil minnast og kan bidra med eigne opplevingar frå tida både før og etter at brua kom.

Eit elevarbeid ved Bøfjorden skule i høve 25-årsjubileet i 1989 får brei plass i programmet. Like eins den dramatiske nyårsorkanen i 1992, da brua knakk i hop og folket på Bø atter vart isolert i fleire månader.

Kjøkenet lagar fest på sin måte og serverer den populære «Museets fiskemiddag» - sjølsagt med råvarer frå Bøfjorden.

Randi Vetleseter Bøe er sjefskokke når museet inviterer på sin populære fiskemiddag. 

50-årsjubileum: Brua over Bøsundet skapte ny tidsalder i Bøfjorden frå 1964. Jubileet blir markert som Dagens Tema på sjøbruksmuseet søndag.