Hilde Krangnes Heggset_350x232

Norsk Laksefestival avslutta med store premiar og utekonsert

Hilde vart andeløpvinnar

Opprettet: 26. juni 2011
Opprettet av: Bjørn Tore Brøske
Hilde Krangnes Heggset satsa på rett and og vart den glade vinnaren av 30.000 kroner under Norsk Laksefestival søndag. Festivalen i Surnadal vart avslutta i strålande sol med andeløp, utdeling av ungdomsarbeidets pris, zumba, billotteri og konsert med Torstein Snekvik og MGPjr-vennene Batteri, Celine og Alexandra.

Som vanleg var det knytta stor spenning til kven som skulle sikre seg ekstra tilskot til feriepengane ved å ta førstepremien i det store andeløpet under laksefestivalen. Hilde Krangnes Heggset vart altså den heldige.

Heldig var også Tora Rodal, som hadde vinnarloddet i Surnadal Fotball sitt billotteri, medan Birgit Løseth vart tildelt ungdomsrådet sin pris for sin mangeårige, frivillige innsats for idretten.

Dei fire festivaldagane har inneheldt både faglege seminar, martnadsgater, underhaldning og konsertar. Sie Gubba og Trøtte Typer spela for cirka 1400 festdeltakarar fredag, medan Maizie Williams' Boney M Band og oppvarmingsgruppa Hollywood Scandal trekte rundt 100 færre laurdagen.

Årets festival vart avrunda med konsert med fjorårets MGPjr-vinnar Torstein Snekvik, Batteri, Celine Solemsløkk Helgemo (MGPjr-vinner 2007) og Alexandra Rotan (superfinalist i MGP junior 2010). Dei fekk også besøk på scena av Emilie Brøske Rønning, som var så heldig å fa synge saman med Celine på "Bæstevænna"!

Klikk på bilda for større versjonar.

Hilde Krangnes Heggset_1024x680
Hilde Krangnes Heggset med sjekken som viser at andeløpet gjorde henne 30.000 kroner rikare. I bakgrunnen festivalsjef Kristin Nyhagen.
Andeløp_1024x680
Andeløpet, med målpassering nedanfor Øye bru, var som vanleg populært.
Birgit Løseth_1024x683
Birgit Løseth vart tildelt Ugdomsarbeidets pris av Silje Beate Holten og Marit Granhus Kringlebotn.
Batteri_1024x680
Batteri og Alexandra i aksjon på utescena ved kulturhuset.
Torstein Snekvik_1024x787
Torstein Snekvik serverte både nye songar og sjølovsagt MGPjr-vinnaren Svikter aldri igjen.
Emilie Brøske Rønning_1024x730
Emilie Brøske Rønning fekk synge saman med Celine.
Scene_1024x680
Bra publikumsoppmøte under gratiskonserten søndag.