Herleg heimesiger

Tabellnabo Tiller 3 var altså motstandar og bylaget fekk kjenne på fysikken til taklingsterke og hardtarbeidande rindalsdamer. Kampen opna på beste vis for heimelaget då Mali E. Bakken, etter berre nokre minutters spel, fekk stjernetreff frå 15 - 20 meter og limte ballen uttagbart i vinkelen. 1 - 0! Etterkvart jamna spelet seg ut og gjestane kom inn i kampen meir, men kom aldri til dei store sjansane. Midtvegs i gjekk heimelaget opp i 2 - 0 etter at ein tillerspelar skalla ballen i ein fin boge over eigen keeper. Pauseresultatet vart då 2 - 0.

Andre omgangen starta slik som den første slutta. Fotrappe tillerspelarar vart kjempa ut av stilen med tøffe taklingar, og hardt press frå heimelaget, som såg ut til å ha god kontroll på matchen. Men Tiller fekk ein gåvepakke av eit mål, då uheldige Monica Gulla bomma litt på ei heading som gjekk rett i eige mål. 2 - 1. Etter dette fekk gjestane frå Trondheim blod på tann, og kjempa seg inn i kampen meir og meir, og det var ikkje heilt ufortent då utligninga til 2 - 2 kom kvarteret før slutt. Rindalsjentene ga aldri opp og fekk fleire gode sjanser til å ta leiinga, men det ville seg ikkje. Men få minutt før slutt fekk Lene Sofie Sveen hol på byllen og sette ballen bak Tiller-keeperen til 3 - 2 etter ein retur! Dei påfølgande minutta vart svært spennande men fleire mål blei det ikkje, så då dommaren bles i pipa si ved kampslutt kunne både publikum og spelarar juble for 3 deilige poeng!

Rindalsdamene klatra med dette opp til 3. plass på tabellen!

 Rindal IL - Tiller 3           3 - 2 (2 - 0)

Heimelaget: Guri Glåmen,Åse Børset, Mali Løset, Ailin Van Til, Mali E. Bakken, Mia Bakken, Ragnhild Evjen, Randi F. Pedersen, Lene S. Sveen, Unn I.Halgunset, Kristine Jacobsen, Monica Gulla.

Talrikt publikum

Ailin Van Til header mot mål!

Mali E. Bakken kjempar om ballen!

Trongt framom kassa på corner!

Glad gjeng som tok imot publikums hyllest!