.png)
Folkemusikk i Stangvik-kyrkja
Søndag ettermiddag blir det ei annleis musikkoppleving i Stangvik kyrkje. Nordmøre Spelmannslag innbyr til ”Folkemusikk under kyrkjekvelven” saman med kor, fløytist og orgel.
Leia av Helge Husby har laget plukka godbitar frå nordmørsk folkemusikk. Tonar etter Hallvard Ørsal frå Todalen pregar programmet – ispedd viser, salmetonar og bruramarsjar. Fløytist Åsta Andreassen og Aure-organist Alexey Kurbanov flettar sine klangar inn i heilskapen. Ei gruppe (Brechans) serverer musikk etter John Røen.
Todalskoret er med som tradisjonberar – saman med Åsskard Kyrkjekor. Søndag er Maria Bodskaps Dag, og m.a. blir ein flott Maria-hymne sungen til folketone frå Stangvik. Kora har også opna dørene mot den vide verda - med tre afrikanske folkesongar.
Helge Husby knyter programmet saman verbalt – med blikk på folketonestørrelsar som Hallvard Ørsal, Magnhild Almhjell, Hallvard Nordheim og John Røen.
Saman og kvar for seg ønskjer aktørane å skape ei unik oppleving av skattane vi har i folkemusikkarven.
(Bernt Bøe)
Todalskoret er med som tradisjonberar – saman med Åsskard Kyrkjekor. Søndag er Maria Bodskaps Dag, og m.a. blir ein flott Maria-hymne sungen til folketone frå Stangvik. Kora har også opna dørene mot den vide verda - med tre afrikanske folkesongar.
Helge Husby knyter programmet saman verbalt – med blikk på folketonestørrelsar som Hallvard Ørsal, Magnhild Almhjell, Hallvard Nordheim og John Røen.
Saman og kvar for seg ønskjer aktørane å skape ei unik oppleving av skattane vi har i folkemusikkarven.
(Bernt Bøe)
Nordmøre Spelmannslag med gode venner lagar folkemusikkstund i Stangvik søndag.
Todalskoret og Åsskard Kyrkjekor syng kortreist og langreist folkemusikk
