.png)
Bøfjorden Sjøbruksmuseum melder:
Båtbok og sjømiddag
Søndag 6. august er Einar Oterholm gjest på Bøfjorden Sjøbruksmuseum med biletkåseri om skipsbygginga på Kleivset. Kjøkenet serverer husets populære fiskesuppe.
Oterholm tek utgangspunkt i si ferske bok «Kleivsetsjyn og Plassasjyn – Historie og båtar". Tresifra tal nybygde skuter og mange ombyggingar viser at også sørsida av Skålvikfjorden har vore eit kreativt sentrum i norsk skipsbygging.
Med interessante foto og fyldig dokumentasjon presenterer Oterholm farty og arbeidsfolk, byggeteknikk og fascinerande historie om utviklinga frå små robåtar til havgåande stålskip. Den ferske boka blir å få kjøpt på museet.
Der er det også middag denne søndagen. Frå kjøkenet serverer Ragnhild, Inger Lise og Randi Museets Fiskesuppe – som vanleg med gode råvarer. Kaffe, bakels og kaker hører sjølssagt med.
Dei berømte «Presteskøytene» vart bygde på Kleivset. (Foto frå boka)
«Årsundfjord» var blant dei mest kjende Kleivsetbygga. (Foto frå boka)
Einar Oterholm kåserer frå si nye bok om skipsbygginga på Kleivset.
Randi Bøe har si eiga oppskrift på «Museets Fiskesuppe».
Bøfjorden Sjøbruksmuseum er medlem av Trollheimsporten.
