.png)
Amigos-basar samla fullt hus
Bedehuset Betania i Bøfjorden var fullsett av barn, foreldre, besteforeldre og bygdefolk da barnegruppa Amigos arrangerte 10-års jubileumsbasar andre pinsedag.
Ungane presenterte eit flott songprogram – der nokre av dei også trakterte instrument.
Ein storveies biletkavalkade viste mykje av det Amigos har stått for i desse 10 åra. Mange flotte prestasjonar, og det er tydeleg at dei har det kjekt i barnegruppa.
Rommet var pynta med ballongar – slik det passar seg på ein bursdag.
Basarbordet var stort og innhaldsrikt, og med både åresalg og lykkehjul vart det mange glade vinnarar.
Sjølsagt var det også mat og drikke å få kjøpt. Og det kom inn mange kroner til det vidare arbeidet i barnegruppa Amigos.
Tekst og foto: Randi Vetleseter Bøe
