Amerikansk aften i Trondheim med rindalingar på scenen

Lørdag 25. januar blir det «Amerikansk Aften» i Salem,  Normisjon sine lokaler like ved Trondheim Torg.  Jo Ranheim, Oldtimers og Jon Gåsvatn/Elvis er klare – ilag med glade amatør-meldalingar!

Amerikansk Aften vart arrangert i Meldal samfunnshus 12 april i fjor.  Huset var fullt – ca 350 – og stemninga høg!  Rindalingane på scenen – og også eindel i salen – skal ha stor del av æra for at denne kvelden vart så bra!

Oldtimers og Jon Gåsvatn som Elvis

Men det slo også an med meldalingar i nye roller – Arnt Bjørkhaug som Johnny Cash, Arnt Stene som Jim Reeves, Kim Furuhaug som Dolly Parton –  og Hans C. Borchsenius som fylte Elvis-rolla i tillegg til Jon Gåsvatn/Oldtimers sitt show.

Arnt Bjørkhaug som Johnny Cash

Arnt Stene som Jim Reeves

Kim Therese Furuhaug som Dolly Parton

Ja, så hadde vi også Bob Dylan – som bur i Levanger, er stril, og heiter Ove Nesbø.  Han og Jo Ranheim var veldig bra med «Blind Willy mc Tell» i strilsk versjon!

Normisjon region Trøndelag inviterte oss til å gjenta kvelden i byn, og omtrent alle aktørane som var med sist blir med no også.  Dylan sitt oppvarmingsband - Meldal Soul Children – dobler sitt reportoar frå 2 til 4 songar.  Alex Owen overtar som Martin Luther King, og den nye organisten på Løkken, Thomas Erlandsen går inn i rolla til Gunnar Bonsaksen ved pianoet.

Det blir, som sist, eit sveip gjennom amerikansk rock/country-historie, vi får blant anna sjå fangen Glen Sherley alias Ingar Stene i Folsom Prison og borgerrettighetsmarsjen i Washington 1963.

Eindel «svisker» frå artistane er med, og eindel gospel.  Litt av budskapet vi ønskjer å få fram, er at at skiljet mellom «verdslig» og «kristen» ikkje er slik vi her i landet vaks opp med at det skulle vera….

Aftenen i byn blir om ettermiddagen, kl 15.  Vi ønskjer rindalingar spesielt velkomne!  Kom gjerne og bli med sjølv om du var i samfunnshuset i april.  Byfolka kjem til å selje hamburger og brus, akkurat som i Meldal.  See you in town!

HER kan du få kjøpt billettar.

Åshild Sande, for Meldal Normisjon