Årets laksefestival-artistar klare

Fredagskvelden byr på både party-musikk og folk-rock. Først ute er Katastrofe som har heile 89 uker bak seg på VG-lista. Da blir det høg partyfaktor og antageligvis «svett» stemning på Skei!

Etterpå går folkrockbandet Byting frå Telemark på. Dei har hausta lovord for musikken sin og er kanskje godt kjend for å ha laga musikken til TV-dokusåpa Norske Rednecks. Dei speler eigenproduserte låtar med tekster på klingande telemarksdialekt. Bøheringdialekt for å vera presis!

Laurdagskvelden startar med bandet Ship of fools, ein kvintett med akustisk preg, som spelar slagere frå 60 og 70-talet, men i fornya drakt!

Etterpå blir det rock`n roll med Stage Dolls! Dette er eit band som dei fleste, uansett alder, har eit forhold til! Trønderrock på engelsk, med tidlause hits som «Soldiers gun» og «Love don`t bother me», er det god grunn til å tru at det blir tjukt med rocke-glade publikummarar ved scena. Nostalgisk stemning med legendarisk band!

Familieunderhaldning

Søndag blir det familieteater-forestilling med Alvin og Troll. Dette er ei forestilling som handlar om alven Alvin, som dreg frå slettelandet på leit etter sin far som blei fanga av Svartalvane under den store alvekrigen. Stykket blir framførd av tre profesjonelle skodespelarar og dei lovar mykje spenning, musikk og humor. Vel verdt å få med seg!

Årets konfransier:

Konfransier blir i år, som fleire år tidlegare, Heidi Marie Vestrheim.

Av andre ting som kan nevnast, blir det både energikamp og andeløp i år òg.

Styret kunne fortelja at det arbeidast med å få eit tivoli til lakse-helga, men det er ikkje i boks enno. Det er nokre utfordringar når det gjeld å finna ein egna stad å plassera tivoliet. Men kven veit, kanskje blir det moglegheit til å få seg både sukkerspinn og ein tur i karusell denne helga.

Ønskjer frivillige

Styret ønskjer seg gjerne fleire frivillige til å hjelpa til under helga, så viss akkurat DU har lyst, så ta kontakt med styret i Norsk Laksefestival!

Katastrofe

Byting

Ship of fools

Stage Dolls

Alvin og Troll

Styret i Norsk Laksefestival: Janne Husby, Trygve Roaldset,Toril Kyllo og Ragna Marie Mauset.

Sjå nettsida til Norsk laksefestival her