.png)
8. mai-markering i Surnadal
I desse «koronatidene» har ein måtte planlegge merkedagane i mai utan det store publikum. Ein har difor i år valt å filme markeringa av 8. mai i Surnadal.
Stig Cato Magnussen, områdesjef i Heimevernet, og kulturleiar Lilli Husby har lagt på krans ved dei tre bautane til minne om dei som mista livet da krigen braut ut i 1940. Raymond Grøvdal Hansen frå Nordmøre Folkehøgskule var med og filma kransepåleggingane i eit tidvis ufyseleg vêr som utfordra både bilde- og lydopptak.
Etter turen til Åsskard, Todalen og Stangvik kyrkje, vart markeringa avrunda i Surnadal kulturhus der ordførar Margrethe Svinvik tala og Stig Cato Magnussen offentleggjorde tildeling av «Forsvarets medalje for internasjonale operasjonar» til ein surnadaling.
Markeringane kjem slik i filmen:
Ved Todalen kyrkje (Anton Husby) frå starten
Ved Stangvik kyrkje (Halvor Røen) etter 04:30
