bad t 1_350x263

12 skulefrøkner og ein Bad teacher

Opprettet: 9. juli 2011
Opprettet av: Bjørn Tore Brøske
12 kvinnelege kollegaer frå Øye skule såg fredag kveld filmen "Bad teacher" på Surnadal kino. Ifølgje lærarane så kunne dei ikkje kjenne seg igjen med karakteren til Cameron Diaz i filmen, eller så ville dei nok ikkje innrømme det. Humøret deira var i alle fall på topp og dei meinte filmen var underhaldande.

- Vi er ikkje så ”bad”, seier lærarane.

- Likevel var det ein morosam film. Den er humoristisk og handlar om yrkesgruppa vi er i.

Lærarane ville sjå denne filmen saman fordi han viser ein humoristisk vri på arbeidet deira, og for å gå ut og ha det artig saman, utanfor jobb.

Filmen handler om læraren Elizabeth (Cameron Diaz) som bryr seg fint lite om elevane, og enda mindre om kollegaene sine.

Elizabeth er nydumpa av sin rike forlovede, så ho er villig til å gjere det mest komiske for å finne ein ny mann som har mykje pengar.

"Bad teacher" blir vist på Surnadal kulturhus denne veka.

På bildet: Vigdis Rodal, Randi Husby, Sigri Livik, Guro Elise Mogstad, Sissel Lysø, Gunhild Anne Hyldbakk, Ragna Vold Gjeldnes, Liv Pauline Bele, Kjersti Mahle Brøske, Ingjerd Aasen, Ingeborg Møkkelgjerd Dale og Marina Kvendset Fiske.

Tekst/foto: Elise Einum