Surnadal Hornmusikk_350x263

Nytt styre i hornmusikken

Opprettet: 15. okt. 2010
Opprettet av: Tonje Mogstad Høivik
Surnadal Hornmusikk hadde årsmøte torsdag kveld, og valde følgande styre for sesongen 2010/2011: Leiar Gudrun Sylte, nestleiar Gudbjørn Moen, sekretær Leif Frønes, kasserar Pål Nordvik og styremedlem Bjørn Tore Brøske samt varamedlemmene Astrid Pihl Hansen og Gunn Elin Lesund.

Gudrun Sylte overtek som leiar etter Eva Kristin Solli. Dirigent er Lars Peder Sylte.

Sesongen 2009/2010 var aktiv for hornmusikken, med sentral medverkning i storoppsettinga ”cABBAret” som eit av høgdepunkta. Sesongen 2010/2011 blir også innhaldsrik, og Surnadal Hornmusikk skal for første gong delta i NM for janitsjarkorps. Det skjer i Trondheim 8.-9.april 2011.

Surnadal Hornmusikk ønskjer seg fleire medlemmer. Det er behov for alle instrument, men særleg grovmessing. Interesserte kan møte opp på øving i Toneheim torsdagane klokka 1930.  

Surnadal Hornmusikk er medlem av Trollheimsporten. Les meir om korpset på infosidene her.

Stadig fleire lag/organisasjonar og bedrifter blir medlemmer av Trollheimsporten, og får på den måten ei svært god mulegheit til å marknadsføre seg overfor "Porten" sine mange daglege brukarar i Rindal og Surnadal. Les her korleis du blir medlem.

På bildet: Sittande: Gudbjørn Moen og Gudrun Sylte. Bak f.v. Bjørn Tore Brøske, Leif Frønes, Pål Nordvik, Gunn Elin Lesund og Astrid Pihl Hansen.