2020-09-01 Hengekøyetur Langvatnet Helgetunmarka 014-01

Natt i naturen

Denne helga blir det mange som søv ute! Friluftsinteressa er på topp i Norge. Mange har skaffa seg telt og hengekøyer i sommar og overnatta ute, slik som desse damene ved Langvatnet i Rindal.

#nattinaturen er startskottet for Friluftslivets uke, som er ei nasjonal feiring av naturen og friluftslivet.

Friluftslivets uke i år er frå 5. september til 13.september.

Målet er å invitere heile Norge med ut i naturen, og at fleire skal få opp augene for uteovernatting.

– Alle er velkomne. Både du som aldri har overnatta ute før, og du som tel den tiande natta di under stjernene denne sesongen. Er du nybegynnar, er det heilt innafor å legge seg til på balkongen eller slå opp teltet med barna i hagen, oppmuntrar Heimdal på nettsida til Norsk Friluftsliv.

Rundt omkring i landet er det planlagt mange arrangement i Friluftslivets uke.

Lokalt er det organiserte Tirsdagsturar, Kløverturar, Stavganggruppe og Fjellgruppeturar, og i tillegg er det Stikk-ut-postar, gapahukar og merka toppturstigar, så du manglar ikkje turmål og treng ikkje gå på tur aleine.

Eli Landsem Solvik tok desse bilda ved Langvatnet i Helgetunmarka siste natt.

2020-09-01 Hengekøyetur Langvatnet Helgetunmarka 061-01
Trollheimstunet
2020-09-01 Hengekøyetur Langvatnet Helgetunmarka 034-01
Ror mot solnedgangen
2020-09-01 Hengekøyetur Langvatnet Helgetunmarka 021-01
Kanutur på Langvatnet
2020-09-01 Hengekøyetur Langvatnet Helgetunmarka 080
Kveldstemning før #nattinaturen
2020-09-01 Hengekøyetur Langvatnet Helgetunmarka 069-01