.png)
Rindal Løpskarusell
Karuselløp – aleine og saman
Fredag kveld vart fjerde runde av Rindal Løpskarusell 2020 arrangert på Skogsletta. Aleineløp vart avvikla fram til kl. 21.00. Fellesstart-løpet var kl. 18.00.
Løpet gjekk etter lysløypa, to rundar som blir 4,2 km.
Løpskarusellen er eit uhøgtideleg lågterskeltilbod for alle aldrar og nivå, der konkurransen først og fremst er mot deg sjølv og dine eigne prestasjonar.
Før kvelden var omme, var det fleire som møtte opp og tok sitt aleineløp, men trass i fin temperatur vart ikkje oppmøtet så stort.
Primus motor i Rindal IL Friidrett, Tor Jarle Bolme, hadde full kontroll over arrangementet. Her orienterer han løparane før fellesstarten.
Bård Nonstad tok raskt teten i løpet, med tett følge av unge Magnus Øyen.
Klart for andre runde og god kontakt.
Nonstad pressa seg nokre meter framom Magnus Øyen i mål.
John Ole Aspli og Nils Ingmund Halgunset i godt driv, eit samløp Halgunset stakk av frå inn mot mål.
Anna Børset deltok ilag med bror Sebastian og far Stein Ivar, nedafor. Jan Romundstad følger tett på, før han passerer dei inn mot mål.
(Foto: Rindal IL Friidrett)
Jan Romundstad på veg opp ein av bakkane i lysløypa, overvåka av Skåkleiva.
To glade jenter, Magnhild Fugelsøy sett tempo for mamma Berit Synnøv, og i mål er Magnhild kveldens gladaste løpar!
Lysløypa ved Skogsletta var nyslått og rydda. Dermed er den klar for vinter og nysnø; vi spår om eit par månader!
Resultatliste:
| 1 | Aspli, John Ole | 23,05 |
| 2 | Bekken, Uma Børset | Fullført |
| 3 | Bolme, Tor Jarle | Fullført |
| 4 | Børset, Anna | 27,05 |
| 5 | Børset, Sebastian | 18,45 |
| 6 | Børset, Stein Ivar | 18,45 |
| 7 | Foseide, Ole Trygve | Fullført |
| 8 | Fugelsøy, Berit Synøv | Fullført |
| 9 | Fugelsøy, Magnhild | Fullført |
| 10 | Halgunset, Nils Ingar | 20,37 |
| 11 | Løfald, Ann Elin Øyen | Fullført |
| 12 | Nonstad, Bård | 15,47 |
| 13 | Romundstad, Jan | 18,34 |
| 14 | Skjermo, Ola Andreas | Fullført |
| 15 | Solvik, Ada Hyldbakk | Fullført |
| 16 | Solvik, Håkon | Fullført |
| 17 | Sæterbø, Ole | 17,41 |
| 18 | Øyen, Magnus | 15,50 |
| 19 | Aasen, Ronny | Fullført |
Sjå meir på Facebooksida til Rindal IL Friidrett.
