.png)
- Ta va ikkje arti!
Dette hjartesukket kom frå ein av seniorane etter å ha gått dei to rundane rundt golfbanen i Surnadal Golfpark idag, og da var det med klar adresse til veret, - våt og litt kald som han var. Samveret på banen varma likevel.
Over: Jan Ove Bævre, Kjell Øyen, Tor Helge Taagvold og Arnstein Garte
Surnadal Golfklubb arrangerte laurdag og søndag klubbmeisterskap, og første klubbmeister vart kåra alt på laurdag.
Foto: Surnadal Golfklubb
Marius Kvande (over) på 11 år gjennomførte runden sin på 9 hol i fin stil med 46 slag og 16 poeng og vart klubbmeister i klasse under 12 år.
Etter ein fin og vellukka laurdag var spenninga stor framfor avslutningsrunden søndag.
Tove Hilstad låg i tet i dameklassen framfor Dagrun Dyrnes Stromberg og Heid Snekvik etter runden laurdag. I herreklassen stilte Stian Kooyman og Helge Wiig likt på topp.
Søndagen kom med heller dårleg ver, regn og ned mot 10 grader, men det var ingen ting å seie på innsatsen til dei som gjekk rundane på Surnadal Golfpark
Helge Wiig, Geir Garte, Stian Kooyman og Allan Troelsen var dei fire beste frå laurdag og stilte i samme gruppe.
Spenninga i herreklassen varte heilt til slutt, før Allan Troelsen sikra seg meistertittelen med birdie på16.holet og par på18.holet!
I dameklassen kjempa frå venstre Dagrun Dyrnes Stromberg, Tove Hilstad Garte og Heid Snekvik om dei første plassane
Med slag som dette (bilda over og under) sikra Tove Hilstad Garte meistertittelen i dameklassen.
Foto: Surnadal Golfklubb
![IMGP3552-001[1].JPG](https://img7.custompublish.com/getfile.php/4726808.1537.l7mu7lmukqmltw/IMGP3552-001%5B1%5D.JPG)
Juniorklassen hadde ein deltakar, så Lasse Vaseng Hansen hadde ingen konkurranse om tittelen. Med klar leiing i den lokale Intersportcupen er han ein verdig klubbmeister.
Det var totalt 23 deltakarar i klubbmeisterskapet. Nytt av året var at det var klasse for stablefor herre og damer, d.v.s. klasse der spelarar vart rangert etter oppnådde poeng basert på bruttoscore og spelarens handicap. Vinnarane der vart Knut Haugen og Heid Snekvik.
Her kan du finne fullstendig resultatliste frå meisterskapen i helga!
Nedafor ser du nokre stilstudiar og glimt frå banen denne laurdagen.
![IMGP3537[1].JPG](https://img7.custompublish.com/getfile.php/4726807.1537.mnmmmawptpaaqk/IMGP3537%5B1%5D.JPG)
Jan Terje Moen, Palmar Brennskag og Lasse Vaseng Hansen går igjennom resulata sine framfor pokalane ...
Surnadal Golfpark dekker eit stort område, og her ser du fire av laga ute på banen.
Runden er på 3900 meter frå hol til hol, men under konkurranse går nok spelarane dobbelt så langt, og desse dagane gjekk dei to rundar, altså rundt 15 km.
Interessert i golf?
Surnadal Golfklubb arrangerer nybegynnarkurset «Veien til Golf» helga 5. - 6. september 2020!
